തിരുവനന്തപുരം: കേരളത്തിന്റെ ഗതാഗത മന്ത്രിയും സിനിമാ താരവുമായ കെ.ബി. ഗണേഷ് കുമാർ മാധ്യമങ്ങളോട് നടത്തിയ തുറന്നുപറച്ചിൽ ശ്രദ്ധേയമാകുന്നു. പൊതുജനങ്ങൾക്ക് ഉപകാരപ്രദമായ നല്ല കാര്യങ്ങളെക്കുറിച്ച് സംസാരിക്കുമ്പോൾ അതിനിടയിൽ നെഗറ്റീവ് വാർത്തകളുമായി കടന്നുവരരുത് എന്നാണ് അദ്ദേഹം മാധ്യമപ്രവർത്തകരോട് ആവശ്യപ്പെട്ടത്.

ഒരു വാർത്താ സമ്മേളനത്തിനിടെയാണ് മന്ത്രി തൻ്റെ അതൃപ്തി പരസ്യമാക്കിയത്. താൻ നല്ല കാര്യങ്ങൾ പറയുമ്പോൾ അതിനെ തടസ്സപ്പെടുത്തി വ്യക്തിപരമായതോ, അനാവശ്യമായതോ ആയ ‘നെഗറ്റീവ്’ ചോദ്യങ്ങൾ ചോദിക്കുന്നതിലുള്ള വിയോജിപ്പാണ് അദ്ദേഹം രേഖപ്പെടുത്തിയത്.

“നല്ലകാര്യങ്ങൾ ചെയ്യുമ്പോൾ അതിനിടയിൽ നെഗറ്റീവ് വാർത്തകളുമായി ദയവ്ചെയ്ത് വരരുത്…”

എന്ന ഗണേഷ് കുമാറിൻ്റെ വാക്കുകൾ ശ്രദ്ധ നേടിക്കഴിഞ്ഞു. പൊതുരംഗത്ത് സജീവമായ ഒരു വ്യക്തി എന്ന നിലയിൽ, തൻ്റെ പ്രവർത്തനങ്ങളെക്കുറിച്ചുള്ള ക്രിയാത്മകമായ വാർത്തകൾക്ക് പ്രാധാന്യം നൽകണമെന്നും, അനാവശ്യ വിവാദങ്ങളിലേക്കും നിഷേധാത്മക ചർച്ചകളിലേക്കും വഴിതിരിച്ചുവിടരുതെന്നും അദ്ദേഹം മാധ്യമങ്ങളെ ഓർമ്മിപ്പിച്ചു.